شيء لا يصدق ( خاص للمتزوجات فقط )

والموضوع قصة روتها احدى الأخوات اسمها ( أم عبد الله ) فلا تنسوها من الدعاء : في مرة اختلفت أخت زوجي مع ولدها الكبير وهو متزوج أمريكية مسلمة .

. وكان الخلاف كبير جداً والأم
تظن إن ولدها مفضل الأمريكية عليها وووووو ..

وبدأت تنهار ولا نفع معاها نصح ولا تطنيش .. وولدها مصر على موقفه وإن زوجته صح وأمه غلط ومب علشان هي أمريكية يصير مالها حق ..

طبعاً من كثر الهم - لأن أخت زوجي هاذي برغم أشياء وايد فأنا أحبها وهي كبيرة تعاملني مثل بناتها بالضبط - الله يديم المعروف - ودائماً تدعي لي دعوة حلوة - الله يجعلك في قلب زوجك جوهرة وعلى لسانه سكرة -

المهم نرجع للقصة .. فقمت أنا وأخذت رقم ولدها وأتصلت عليه .. فقط بالهاتف ولخاطر أمه .. تكلمت معاه مطولاً ووضحت له مواضيع كثيرة لكن الزبدة إللي ودي أوصله للمتزوجات وهي كلمتين قالهن لي : إن زوجتي هالأمريكية إذا زعلت منها ودخلت تجلس عند رجلي لحد ما أرضى عليها

وإذا عييت أرضى ونمت تجلس جنب سريري لحد ما أرضى عليها

وتقوله هي ليش تفعل كذا

( أنا الآن مسلمة والرسول يقول من ياتت وزوجها غاضب عليها تلعنها الملائكة ) وأنا تركت المسيحية حتى أنال الجنة
وإذا لعنتني الملائكة فلن أدخل الجنة ) ولو يعصب عليها ويسبها ويسب أهلها وتبكي بحرقة وموت بس خلي يناديها إلا تجيه مثل العيال لصغار .. وطبعاً بأسلوبها هذا .. كاسبتنه .. 100% لها حساب في البنك .. قال لأن أهلي ما يحبونها وأمن لها مستقبلها ومستقبل عيالي .. وإذا أخواته غلطوا عليها والله يشيل الدنيا ولا يقعدها .. وإذا صار خلاف وهي الغلطانة يحاول يوجد لها ألف عذر وعذر ..
هاذي إللي حديثة في الأسلام وإللي تشتري الأشرطة والسي ديهات المترجمة باللغة الإنجليزية وما تعرف تتكلم معانا عربي إلا 40% وأغلب تفاهمها بالإنجليزي ... وبعد من فهمها للإسلام خلال 6 سنوات خلفت 5 ما شاء الله عليها لأنها فهمت الحديث ( الودود الولود العؤود)

طيب هل وصلتوا لشئ بناء على هذه القصة ,,, ترا نحن المسلمين لابد ما تمر علينا القصص عبث ,, لابد أن نستفيد ونحاكي أفعال الصالحين أو نحذر من سوء أفعال أهل السوء

ودمتم لي بكل الخير والعافية ))) .....انتهت ..

الله يجزاك كل خير يا أم عبد الله ويبارك لك في عمرك وعلمك وزوجك وذريتك ويوفقكم لما يحب ويرضى ...

وبالنسبة لي هذي القصة ذكرتني بحديث الرسول عليه الصلاة والسلام :
"من كانت الآخرة همه جعل الله غناه في قلبه، وجمع له شمله، وأتته الدنيا وهي راغمة، ومن كانت الدنيا همه جعل الله فقره بين عينيه، وفرق عليه شمله، ولم يأته من الدنيا إلا ما قدر له"

وانتوا خواتي اش ذكرتكم القصة فيه ؟
أو بايش طلعتوا من هذي القصة ؟؟